ၵႂၢမ်းၵပ်းထုၵ်ႇ

(ၵႂၢမ်းၵပ်းထုၵ်ႇ)

=တွၼ်ႈ - '''ၵ'''==

*ၵၵ ၶၢႆၶၢႆ-ငိုၼ်းႁၢႆ ၵွပ်ႈဢမ်ႇၼပ်ႉ 

*ၵၵႅမ်ၵျွင်း-တွင်းတွင်းႁွမ်ၶဝ်ႈႁႅင်ႈ 

*ၵ ၵိူဝ်းတွၼ်း-ၼွၼ်း ၵိူဝ်းဢုၼ်ႇ

*ၵ ၵိူဝ်းလႆႈ-ၶႆႈ ၵိူဝ်းၶိုတ်း-ပိုတ်း ၵိူဝ်းတိူဝ်ႉ 

*ၵၶိုၼ်ႈ ၵလွင်ႈ-ငိုၼ်းယေႈႁွင်ႈ ၵိုတ်းသၢမ်ပႄး 

*ၵ ၸဵဝ်းပွၵ်ႈ-ၵၢမ်ႇ မျွၵ်ႈပၼ်

*ၵ ၸဵဝ်းမႃး-ၺႃးၵမ်းသုၼ်ႇ 

*ၵ ၸဵဝ်းမီး-ၵႂၢမ်းပီးၼႃႇ

*ၵ ၸဵဝ်းမိူဝ်း-ၸူမ်းသိူဝ်းၼႃႇ

*ၵ ၸဵဝ်းယဝ်ႉ-ၶဝ်ႈ ၸဵဝ်းသုၵ်း

*ၵ ၸဵဝ်းလႆႈ-ဢမ်ႇမႆႈၸႂ်

*ၵ ၸဵဝ်းဝၢႆႇ-မႅၼ်ႈၽၢႆႇမၼ်း 

*ၵသုမ်းတိုၼ်း-ၶႅၼ်းသေ ဢိုၼ်းယူႇဝၢၼ်ႈ

*ၵသုမ်း ပိူၼ်ႈၼႃႈတူႇ-ၵမျၢတ်ႈ ၶႂ်ႈယူႇၸမ် 

*ၵ တွင်ႉတၼ်-ၶၢႆၶၼ်ပေႃးသေပိူၼ်ႈၵေႃႈလႆႈ 

*ၵထင်ႁိုင်-ၵိုတ်းမိုင်ယူႇမိူင်းပိူၼ်ႈ

*ၵပုတ်းတိုၼ်း-ၶႅၼ်းသေ ၵူႈငိုၼ်းပိူၼ်ႈ

*ၵ မီးသုၼ်ႇ-ၵုၼ်ႇ ၺႃးပွႆး

*ၵမျၢတ်ႈ ယႃႇၸၢႆႇလူင်-ၸိုဝ်ႈႁူင် ယႃႇယွင်ႈၶိုၼ်ႈ

*ၵမျၢတ်ႈ ယႃႇၸူမ်း-ၵသုမ်း ယႃႇၶၢၼ်ႉ

*ၵမျၢတ်ႈဢႄႇ-ၶႅၼ်းသေ လေႇၸၢႆႇလူင် 

*ၵယေႈၵၢတ်ႇ ၵိၼ်ယေႈလိူၼ်-ႁဵတ်းပွႆးလူင် မိူၼ်ပိူၼ်ႈ 

*ၵယေႈပွၵ်ႈ ၵိၼ်ယေႈဝၼ်း-ဢမ်ႇတၼ်းမီးမိူဝ်ႈလိုဝ်ႈ 

*ၵယေႈလၢႆး ၵိၼ်တေႃႇၸူဝ်ႈ-ႁိူၼ်းဢုတ်ႇတူဝ်ႈတဵမ်မိူင်း 

*ၵယေႈလိူၼ် ၵိၼ်ယေႈၵၢတ်ႇ-မၢတ်ႇၼီႈသမ်ႉပေႃးလၢႆး 

*ၵယေႈလိူၼ် ၵိၼ်ယေႈပီ-ဢမ်ႇလူဝ်ႇၶီၸႂ်ၵွပ်ႈ 

*ၵယေႈလိူၼ် ၵိၼ်ယေႈလိူၼ်-ဝၢႆးလိုၼ်း  ဢမ်ႇမိူၼ်ပိူၼ်ႈ

*ၵယေႈဝၼ်း ၵိၼ်ယေႈၶူပ်ႇ-ၵႃႈပေႉတူပ်ႇ ဢမ်ႇမူတ်း 

*ၵယေႈဝၼ်း ၵိၼ်ယေႈလိူၼ်-ၼွၼ်းဢိူၼ်လိူၼ်ၵေႃႈလႆႈ 

*ၵယေႈဝၼ်း ၵိၼ်ယေႈဝၼ်း-ႁဵတ်းသင် ဢမ်ႇတၼ်းပိူၼ်ႈ

*ၵယေဝူင်ႈ ၵိၼ်ယေႈလိူၼ်-ႁဵတ်းႁိူၼ်းလူင် မိူၼ်ပိူၼ်ႈ 

*ၵယွၵ်းယွၵ်း ၵယွင်ႇယွင်ႇ-ငိုၼ်းႁွႆႉၼိုင်ႈ တဵမ်တွင်ႇလွႆးလွႆး 

*ၵလၢႆလၢႆ ဝႃႈၵ-ငိုၼ်းၵဝ်ႇ ၶျလုမ်းၸွမ်း

*ၵဢႄႇ ၸၢင်ႈၶေးႁူင်-ၵလူင် ၸၢင်ႈၶေးသုမ်း 

*ၵ ဢမ်ႇသုၼ်ႇ-ၼွၼ်း ဢမ်ႇဢုၼ်ႇ

*ၵ ဢမ်ႇသုၼ်ႇ-ၵုၼ်ႇၶမ် သမ်ႉငိုၼ်းမူတ်း

*ၵ ဢမ်ႇသွၼ်ႇ ဢမ်ႇၼပ်ႉ-ၵုၼ်ႇၶမ်ၵပ်ႉ ငိုၼ်းမူတ်း 

*ၵ ဢမ်ႇမၢၼ်-ၵၢၼ် ဢမ်ႇပဵၼ်

*ၵ ဢမ်ႇမျၢတ်ႈ ၸူးမေႃ-လေႃဢဝ်ငိုၼ်း ပေႃးသဵင်ႈ 

*ၵ ဢမ်ႇယဝ်ႉ-ၶဝ်ႈ ဢမ်ႇသုၵ်း

*ၵႃလမ် ဢမ်ႇလီပၼ်ပႂ်ႉပုင်းႁၵ်ႉ- ၽူႈလၵ်ႉ ဢမ်ႇလီပၼ်ပႂ်ႉတိူၵ်ႈၶူဝ်း-ၵူၼ်းသိုဝ်ႈယူဝ်း ဢမ်ႇလီပၼ်ႁုလူၺ်ႈၵၢၼ်လပ်ႉ-ၵူၼ်းယိပ်းမၢၵ်ႇၼပ်ႉ ဢမ်ႇလီႁုလူၺ်ႈလွင်ႈပူလွင်ႈပႃ 

*ၵႃလူၼ်ႇႁိုဝ် ၼၵႃး-ႁၼ်မႃး ၸင်ႇၵွႆႈယုမ်ႇ 

*ၵႃလူၼ်ႇႁိုဝ် ၼၵႃး-ႁၼ်မႃး ၸင်ႇၵွႆႈႁု 

*ၵႃလူၼ်ႇႁိုဝ် ၼၵႃး-ႁၼ်မႃး ၸင်ႇၸၢင်ႈလၢတ်ႈ

*ၵႃ ဢမ်ႇတၢပ်ႈၼႄးၵဝ်ႉ-လဝ်ႉဝဝ်ႉဝႆႉၼင်ႇၵၼ် 

*ၵႃႈၵၢမ်ႇၽၢၼ်ႇ ဝၢင်းပၼ်-ဢမ်ႇလီဢၢၼ်ၸႂ်လဵၵ်ႉ

*ၵႃႈၸၢင်ႉ သၢမ်ႁဵင်-ၵႃႈၼၢင်း သၢမ်ပၢၵ်ႇ

*ၵႃႈပဵၼ် ၶေႃႈၵႂၢမ်းသွၼ်-ၶျၢင်းတွင်းမွၼ် တေႃႇၸူဝ်ႈ 

*ၵႃႈပိူၼ်ႈလၢတ်ႈ ယႃႇထွမ်ႇ-ၵႃႈပိူၼ်ႈထွမ်ႇ ယႃႇလၢတ်ႈ 

*ၵႃႈယႂ်ႇ ၶၼ်လူင်-ပေႃးႁူင် လႆႈၵိၼ်ဢိမ်ႇ

*ၵႃႈလႆႈ ၵႃႈၵိၼ်-ၵိၼ်းၸႂ် မိူဝ်ႈထဝ်ႈ 

*ၵႃႈလႆႈ ၵႃႈသႆႉ-ၵႆႉၵွတ်း တၢႆၽၢၼ်

*ၵႃႈလႆႈ ၵႃႈတၢပ်ႇ-ယၢပ်ႇၸႂ် မိူဝ်ႈၶႆႈၼၢဝ်

*ၵႃႈဢႄႇ ၸၢင်ႈၶေးႁူင်-ၵႃႈလူင် ၸၢင်ႈၶေးသုမ်း 

*ၵွႃႇၵၢတ်ႇ ဢမ်ႇမီးငိုၼ်း-ပွၵ်ႈဝၢႆႇၶိုၼ်း ဢမ်ႇမူၼ်ႈ 

*ၵွႃႇၸူးၶုၼ် ယႃႇၵွႃႇပႃႈၼႃႈ-ၵွႃႇၸူးၶႃႈ ယႃႇၵွႃႇပႃႈလင် 

*ၵွႃႇထိူၼ်ႇ ဢမ်ႇပႃးၽ-ၸႂ်လိူတ်ႇၸ သုတ်းဝၼ်း 

*ၵွႃႇၼႃႈ ႁႂ်ႈလူလင်-ၶူဝ်းသင်တူၵ်း ၶိုၼ်းလႆႈ 

*ၵွႃႇပၢင်ၸ ဢမ်ႇလီဢဝ်ၽၵ်း-ၶိူင်ႈၶူဝ်းၼၵ်း ဢမ်ႇလီပၼ်ၵူၼ်းထဝ်ႈ 

*ၵွႃႇလႄႇ ၸၢင်ႈၶမ်း-ၵမ်းၵမ်း ၵိၼ်ၼမ်ႉၼဵင်ႈ 

*ၵွႃႇလႄႇ ၸဝ်ႈၼႃး-ၵႆႉၺႃး ၶဝ်ႈပုၵ်းၸီႇ 

*ၵွႃႇလႄႇ ၸဝ်ႈႁႆႈ-ၵႆႉလႆႈၵိၼ် တႅင်

*ၵွႃႇလႄႇ ဢမ်ႇပႃးၽ-ပိူၼ်ႈတ ဢမ်ႇၸၢင်ႈဢဝ်သင် ၽၼ်း 

*ၵွႃႇလႂ် ႁႂ်ႈပဵၼ်မူႇ-ယူႇလႂ် ႁႂ်ႈပဵၼ်ၵေႃ

*ၵွႃႇႁိမ်းမႃ ယႃႇၵွႃႇပႃႈၼႃႈ-ၵွႃႇႁိမ်းမ ယႃႇၵွႃႇပႃႈလင် 

*ၵွႃႇဢမ်ႇထုၵ်ႇ ယေႈတိၼ်-ၵိၼ်ဢမ်ႇထုၵ်ႇ ယေႈၵမ်း 

*ၵေႈၵၢင်ပႃႇသိုၵ်းၶတ်း-ၵူၼ်းႁတ်း မဝ်ႇၽၢတ်ႇၶိူင်ႈ 

*ၵေႈႁၢင်းသႃႇၶူၼ်ၼူၼ်း-ၼူၵ်ႉယၢင်းၶူၼ်း မဝ်ႇလႅပ်ႈ 

*ၵႄႇဝၢၼ်ႈ မိူၵ်ႈ ၸႂ်ႁိုၼ်း-လွၵ်ႇၵိၼ်ငိုၼ်း လုၵ်ႈဝၢၼ်ႈ 

*ၵူႈ မိူဝ်ႈၵႅၼ်း-တႅၼ်း မိူဝ်ႈသႃႇ

*ၵေႃႇၸမိူဝ်ႈတေၽၢၼ်-ၵႂၢႆးငၢၼ် လႅၵ်ႈ ၵႂၢႆးမႄႈ

*ၵေႃႇၸမိူဝ်ႈတေၽၢၼ်-ၶၢဝ်းႁဵတ်းၵၢၼ် ၶေႃႉယႂ်ႇ 

*ၵေႃႇၸမိူဝ်ႈတေမီး-လဵၵ်းၸီး လႅၵ်ႈသၢၵ်ႇၵွင်ႈ 

*ၵေႃႇၸမိူဝ်ႈတေႁဵဝ်-ၶၢႆၶဵဝ် သိုဝ်ႉသိၼ်ႈလၢႆႈ 

*ၵေႃႉၵတ်ႉ ယူႇယၢၼ်ၵႆ-ၵေႃႉဢမ်ႇၶႆ ယူႇၵႂ်ႈ 

*ၵေႃႉၵူဝ် ပေႃးၽၢၼ်-ၵေႃႉႁၢၼ် ပေႃးမီး 

*ၵေႃႉၶႂ်ႈၵူႈ မေႃၼွမ်း-ၵေႃႉၶႂ်ႈၸွမ်း မေႃယွင်ႈ 

*ၵေႃႉၸၢႆး မီးပၺ်ႇၺႃႇ-ၸင်ႇသေႇၶျႃႇလီတွၼ်း 

*ၵေႃႉၸၢႆး-ဢိုၼ်ၼမ်ႉလၢႆး ၸင်ႇလၢတ်ႈ 

*ၵေႃႉသိုဝ်ႉ ၶႂ်ႈလႆႈလၢႆ-ၵေႃႉၶၢႆ ၶႂ်ႈလႆႈၵႃႈ 

*ၵေႃႉသိုဝ်ႉ သုမ်းလၢႆ-ၵေႃႉၶၢႆ တူၵ်း ထွင်ႇ

*ၵေႃႉတၢင်းႁုယႂ်ႇၼႅၼ်ႈ-လၢတ်ႈထုၵ်ႇမႅၼ်ႈသေႁူၺ်း 

*ၵေႃႉၼိုင်ႈ ဝႃႈ“ႁွင်ႈၶူး”-ၵေႃႉၼိုင်ႈ ပွင်ႇႁူးၵူၼ်ႈ 

*ၵေႃႉပေႃႉ ယူႇၵႂ်ႈ-ၵေႃႉၶႄ ယူႇၵႆ

*ၵေႃႉပႂ်ႉၵိၼ် မီးၵၢမ်ႇ-ၵေႃႉၵျၢမ်ႇႁႃ လႆႈငၢႆႈ 

*ၵေႃႉပႂ်ႉၵိၼ် ဢမ်ႇသိုဝ်ႈ-ၵေႃႉႁႃ ဢမ်ႇလႆႈလိုဝ်ႈ 

*ၵေႃႉၽူႈၼွၼ်းၵႆႉတိုၼ်ႇ-ထၢင်ႇလိုၵ်းလိုၼ်ႇ ၶိုၼ်းယၢဝ်း 

*ၵေႃႉၽူဝ် ႁၢမ်လႅမ်ႈသဝ်-ၵေႃႉမေး ဢဝ်တႅပ်းၶႃး 

*ၵေႃႉမီးၸႂ်လမ်ႇမၢၵ်ႈ-မဝ်ႇႁွၼ်ႇၽၢၵ်ႈ တၢင်းဢၢႆ 

*ၵေႃႉမီးမေႃပႆႇၺႃႇ-လီၵႆႉ ၵွႃႇႁွမ်းသဝ်း

*ၵေႃႉမိုတ်ႈ ဢိၵ်ႇဢူၺ်းလီ-ပေႃးပၼ်ၶီ ယႃႇၽၢၵ်ႈ

*ၵေႃႉယူႇတႂ်ႈလၢင်ႈ ယႃႇႁႂ်ႈလႆႈၶူဝ်- ၵေႃႉယူႇၼိူဝ်ႁူဝ်  ယႃႇႁႂ်ႈလႆႈႁႆႈ

*ၵေႃႉယွင်ႈ ပဵၼ်တပႄး-ၵေႃႉၼႄး ပဵၼ်သြႃႇ 

*ၵေႃႉလႂ်ၵေႃႉၼၼ်ႉ-ယႃႇဢဝ်ၽၼ်ႉ လေႃးၵၼ် 

*ၵေႃႉလႂ်လီ-ၽီၼိူဝ်ႁူဝ် တူၺ်းယူႇ

*ၵေႃႉလႂ်ႁၢႆႉ-ၸိူၵ်ႈ တေပၢႆႉ ၶေႃးမၼ်း 

*ၵေႃႉလၢတ်ႈၸ တေမီး-ၵေႃႉလၢတ်ႈလီ တေပႃး 

*ၵေႃႉလဵဝ်ၵူၺ်း ယႃႇၵွႃႇ-ၼၢမ်ၸူၵ်ႉၽႃႇ  ၽႂ်ဢမ်ႇႁၼ်ၸွမ်း 

*ၵေႃႉလဵဝ် ယႃႇလၢမ်းပႆ-ၶၢဝ်ႇမိူင်းၵႆ ၼၢၼ်းပွင်ႇ 

*ၵေႃႉလဵဝ် လၢမ်းလိမ်းၵွႃႇ-ၽႃႇပူပ်ႉၸ တၢႆလၢႆ 

*ၵေႃႉလူဝ်ႇပၼ်-ဢမ်ႇၶႂ်ႈႁၼ် ၵေႃႉလူဝ်ႇလႆႈ 

*ၵေႃႉလူဝ်ႇလႆႈ-ၶႂ်ႈႁၼ် ၵေႃႉလူဝ်ႇပၼ် 

*ၵေႃႉလိုမ်းလႆႈ-ဢမ်ႇမႆႈၼင်ႇ ၵေႃႉၸႂ်ၸပ်း

*ၵေႃႉႁၵ်ႉ ယေႈၽိုၼ်ၼင်-ၵေႃႉၸင်း ယေႈၽိုၼ်သၢတ်ႇ 

*ၵေႃႉႁၵ်ႉ ယူႇၵႆၵၼ်-ၵေႃႉဢမ်ႇၶႂ်ႈႁၼ် သမ်ႉယူႇၵႂ်ႈ 

*ၵေႃႉႁဝ်းႁၵ်ႉၼႃႇၼႃႇ-ၸၢင်ႈႁတ်းလႃႇ ႁဝ်းၶိုၼ်း 

*ၵေႃႉႁိတ်ႉၼိူဝ်ႉပႃမူ-ၸႂ်ဢေးလူ ၽၢတ်ႇႁၢင်ႈ 

*ၵေႃႉႁဵတ်းႁႃ မီးမၢၵ်ႈ-ပႅင်ႈၼပ်ႉတႂၢၵ်ႈ ႁိုဝ်ပဵၼ်

*ၵေႃႉဢီးလိုမ်းၵေႃႈ-ၵေႃႉလူမ်ႉ ဢမ်ႇလိုမ်း

*ၵေႃႉဢူႈ ႁၢမ်လႅမ်ႈသဝ်-ၵေႃႉမႄႈ ဢဝ်တႅပ်းၶႃး 

*ၵေႃႉဢမ်ႇႁု ၽူႈသိူၼ်ႈ-ယႃႇႁူမ်ႈငိူၼ်ႈ ႁွမ်းသဝ်း 

*ၵေႃႉဢမ်ႇႁု ဝႃႈၼၼ်-ၵေႃႉဢမ်ႇႁၼ် ဝႃႈတႄႉ 

*ၵေႃႉဢွၵ်ႉလဝ်ႈ သူႇရႃႇ-ၵႂၢမ်းသတ်ႉၸႃႇ ႁိုဝ်ၵိုမ်း 

*ၵႆၽေး ႁႂ်ႈဝႄႈၽေး-ၸမ်ၽေး ယႃႇဝႄႈၽေး

*ၵႆႇ ၶႆႇဝၼ်းလုၵ်ႈလုၵ်ႈ ယင်းၸၢင်ႈတဵမ်ႁၢင်း-ၽၵ်းပၵ်ႉ ဢမ်ႇႁၼ်မိူဝ်ႈမၼ်းၵၢၼ်း ယင်းၸၢင်ႈ တဵမ်ၶႃႇ

*ၵႆႇတေၶၼ် ယႃႇဢဝ်ၶွၼ်ႉၽၢတ်ႈ- ပိူၼ်ႈတိုၵ်ႉလၢတ်ႈ ယႃႇၵိုင်ႉၵၢင်ႉၶတ်း

*ၵႆႇတူမ်ႈ ၵွၼ်ႉမႃးတမ်း-ၵမ်းၵမ်းဝိၼ်ႇပၢႆႈ- တေႃႈဢၢႆႈ ဢမ်ႇသိူဝ်းၵိၼ်

*ၵႆႇတူမ်ႈ ၵွၼ်ႉမႃးတမ်း-ယုၵ်ႉတိၼ်သမ်း ဢွၵ်ႇပၢႆႈ 

*ၵႆႇမႄႈ ၸၢင်ႈမေႃၶၼ်-ထုၵ်ႇဢဝ်ပၼ် ပိူၼ်ႈပႅတ်ႈ 

*ၵႆႇ လၢၵ်ႈႁၢင်-ၼၢင်းလၢၵ်ႈသိၼ်ႈ-မုၼ်ၸဝ်ႈ လၢၵ်ႈသၢင်ႇၵၢၼ်း- မုၼ်ၸၢင်း လၢၵ်ႈသၢင်းပိူင်ႇ

*ၵႆႇဝၢၼ်ႈ ဢမ်ႇသူႈပႄႉ ၵႆႇထိူၼ်ႇ- ၵူၼ်းတီႈဢိုၼ်ႇ ဢမ်ႇသူႈပႄႉၵူၼ်းတီႈၸမ်

*ၵႆႇ ႁၢင်ႈလီ ပိူဝ်ႈၶူၼ်-ၵူၼ်း ႁၢင်ႈလီ ပိူဝ်ႈၶိူင်ႈ

*ၵႆႇ ႁၼ် တိၼ်ငူး-ငူး ႁၼ် ၶွင်ၵႆႇ

*ၵႆႇ ႁၼ် တိၼ်ငူး-ငူး ႁၼ် ၼူမ်းၵႆႇ

*ၵႆႇဢွၼ်ႇ တေၵိၼ်ႁဵၼ်-မိူင်းပေႃးယဵၼ် ၽၢၵ်ႇၼိုင်ႈ 

*ၵႆႇဢွၼ်ႇ တႄႇၽိုၵ်းၶၼ်-တိၼ်ယၼ်ၵွၼ်း ပႆႇမၼ်ႈ 

*ၵႆႉ ၵၢၼ်ဝၢၼ်ႈ-ၶၢၼ်ႉ ၵၢၼ်ႁိူၼ်း 

*ၵႆႉၶတ်းသၢင်ႈႁဵတ်းၵၢၼ်-ယႃႇၼွၼ်းၽၢၼ် တဵတ်ႇႁၢင်ႈ 

*ၵႆႉသွၼ် ၸင်ႇလႆႈ-ၵႆႉၶႆႈ ၸင်ႇတွင်း

*ၵႆႉ ၼႃႈဝၢၼ်ႈ-ၶၢၼ်ႉ ၼႃႈႁိူၼ်း

*ၵႆႉပၢႆႈၵႆႉၽၢၼ်-ၶူဝ်းႁိူၼ်းသႂ်ႇၵူၺ်သၢၼ် ဢမ်ႇတဵမ်လႆႈ 

*ၵႆႉပွင်ႉ ၵႆႉၸ-ယေႈထ ယေႈတိုဝ်

*ၵႆႉပွတ်ႈ ၸင်ႇလီ-ၵႆႉသီ ၸင်ႇၵဵင်ႈ 

*ၵႆႉဢုပ်ႇႁူဝ်သႅၼ်-ၸၢင်ႈလႅၼ်ငိုၼ်းပိူၼ်ႈ 

*ၵၢႆးယွၼ်း ၵီႈၼႂ်းလူင်မွၵ်ႇသွမ်ႇ-ၽႂ်လၢတ်ႈၵေႃႈ လီထွမ်ႇႁင်းမၼ်း

*ၵၢႆးယွၼ်း ၶိင်ႇလိူၼ်ႁႃႈ-ယႃႇတၢၵ်ႇၽႃႈ ႁိမ်းမၼ်း 

*ၵႂၢႆးၶၢၼ်ႉ ပၢႆႈၵၢၼ်-ၵူၼ်းၽၢၼ် ႁႃၼီႈ 

*ၵႂၢႆးငၢၼ်သွင်တူဝ်-ဢိူၵ်ႇဢိူင်ႇၶိူဝ်လုၵ်ႈလဵဝ် ဢမ်ႇလႆႈ 

*ၵႂၢႆးငၢၼ် ဢမ်ႇမီးႁွၵ်ႈ-ႁႃၵႅတ်ႇသွၵ်ႈ ၼၢၼ်းၺႃး

*ၵႂၢႆး တေႃးၵၼ်ယႃႇယႃႇ-မႃးၼႃႇ ႁူဝ်တေးၼႃး

*ၵႂၢႆး ပၢၺ်ႈဢႅၵ်ႇ-ၸဝ်ႈႁိူၼ်း ပၢႆႈၶႅၵ်ႇ

*ၵႂၢႆးၽိူၵ်ႇမီးလုၵ်ႈလမ်-လဵင်ႉၵူၼ်းၼမ် ဢမ်ႇသဵင်ႈ

*ၵႂၢႆးၽိူၵ်ႇ မီးလုၵ်ႈလမ်-ႁဵတ်းၼႃး  ဢမ်ႇပေႃးၼမ် လႆႈၶဝ်ႈ

*ၵႂၢႆးလမ် ၵိူတ်ႇလုၵ်ႈၽိူၵ်ႇ-လဵင်ႉထိူၵ်ႈၵေႃႈ ဢမ်ႇပေႃး 

*ၵႂၢႆးလမ် မီးလုၵ်ႈၽိူၵ်ႇ-ၵႃႇလ လိူၵ်ႇတႃၸင်း 

*ၵွႆပႃႈလင် ပဵၼ်ၶႃႈ-ၵွႆပႃႈၼႃႈ ပဵၼ်ၶုၼ်

*ၵွႆႈၵိၼ် ၵွႆႈၵႅၼ်ႉ-ၵွႆႈလႅၼ်ႈ ၵွႆႈႁိူဝ်ႉ 

*ၵွႆႈၶိုင် ၵွႆႈယၢၵ်ႈ-ၵွႆႈၶႂၢၵ်ႈ ၵွႆႈၵင် 

*ၵွႆႈတိုတ်ႉ ၵွႆႈငၢၵ်ႈ-ၵွႆႈပၢၵ်ႈ ၵွႆႈတၼ်

*ၵွႆႈထွမ်ႇ ၵွႆႈၶႅမ်ႉ-ၵွႆႈယႅမ်ႉ ၵွႆႈပွင်ႇ 

*ၵွႆႈယူႇ ၵွႆႈၸၢၼ်ႈ-ၵွႆႈတၢၼ်ႈ ၵွႆႈလီၸင်း 

*ၵွႆႈယူႇ ၵွႆႈတိုမ်-ၵွႆႈႁိုင် ၵွႆႈလိုမ်း

*ၵွႆႈယူႇ ၵွႆႈဢၢႆ-ၵွႆႈၶၢႆ ၵွႆႈဢမ်ႇၶၢတ်ႇ 

*ၵွႆႈလၢတ်ႈ ၵွႆႈယၢၼ်-ၵွႆႈသၢၼ် ၵွႆႈၽိတ်း

*ၵွႆႈလၢတ်ႈ ၵွႆႈဢမ်ႇထွမ်ႇ-တႃသွမ်ႇ ၸမ်ႉပေႃးၶဵဝ်

*ၵွႆႈဝူၼ်ႉ ၵွႆႈၸႂ်ႈ-ၵွႆႈၶႆႈၸႂ် ၵွႆႈလႅင်း

*ၵွႆႈႁိုင် ၵွႆႈၸတ်ႉ-ၵွႆႈႁတ်ႉ ၵွႆႈတႅၵ်ႇ 

*ၵွႆႈႁဵတ်း ၵွႆႈယၢပ်ႇ-ၵွႆႈတၢပ်ႇ ၵွႆႈၽိတ်း 

*ၵွႆႈႁဵတ်း ၵွႆႈႁု-ၵွႆႈလု ၵွႆႈမေႃ 

*ၵတ်ႉၵေႃႈ ယႃႇဝႃႈ“ႁဝ်းၶႅၼ်ႇ”-လႅၼ်ႇၵေႃႈ ယႃႇဝႃႈ“ႁဝ်းၵျ”

*ၵတ်ႉၵေႃႈ ယႃႇဢုပ်ႇၼႅၼ်ႇ-ၶႅၼ်ႇၵေႃႈ ယႃႇဢုပ်ႇလူင် 

*ၵတ်ႉသင် တၢႆၵွပ်ႈၼၼ်ႉ-ၵတ်ႉၼမ်ႉ တၢႆၵွပ်ႈၼမ်ႉ-ၵတ်ႉၽႆး တၢႆၵွပ်ႈၽႆး 

*ၵႂၼ်းၼမ် ၽႆးဢမ်ႇၵိုၼ်း-ၽိုၼ်းၼမ် ၽႆးဢမ်ႇလုၵ်ႉ 

*ၵၼ်ႉၵဵပ်းမတ်း သႂ်ႇမူၵ်ႇ-မႃလၵ်ႉတူပ်ႇ ၵိၼ်မူတ်း 

*ၵၼ်ႉလၢတ်ႈတႄႉ လၢတ်ႈဝႃႈ-သမ်ႉပွႆႇၼႃႈ ပွႆႇလင် 

*ၵၼ်ႉႁဵတ်း ၵၼ်ႉၵျၢမ်ႇ-လႆႈၶၢမ်ႇၺႃးၸူၼ် 

*ၵၼ်ႉႁဵတ်း ၵၼ်ႉၵျၢမ်ႇ-ဢမ်ႇလႆႈၸၢမ်ႇ တၢင်းလီ 

*ၵမ်ပႃယဵၼ်ႇ ၶိုၼ်ႈၽ-ႁႃတၢင်းၸ တေႃႇၵၼ် 

*ၵမ်မၼ်ႈမၼ်ႈ-ပၼ်ႈၵႅၼ်ႇၵႅၼ်ႇ

*ၵမ်ယူႇလႄႈ ဢမ်ႇႁု-လွင်ႈလု ထၢင်ႇလွင်ႈလီ 

*ၵမ်ႈၽွင်ႈ ၵႆႉႁဵတ်းၵၢၼ်-တိုၵ်းတၢင်းၽၢၼ်မဝ်ႇမိူဝ်ႈ 

*ၵမ်ႈၽွင်ႈ ၶၢၼ်ႉႁဵတ်းၵၢၼ်-ၵွတ်းၽၢၼ် သမ်ႉသူႇယႃႈ 

*ၵမ်ႈၽွင်ႈ သိပ်ႉ ႁႂ်ႈၺီႇ-ၵမ်ႈၽွင်ႈ ဝီႇ ႁႂ်ႈႁၢင်ႇ

*ၵမ်ႈၽွင်ႈ ႁႃၶဝ်ႈသႂ်ႇယွင်-ၵမ်ႈၽွင်ႈ ႁႃယွင် သႂ်ႇၶဝ်ႈ 

*ၵမ်းပိုင်း ႁၢင်ႈၸႂ်ယႂ်ႇ-သႂ်ႇသႂ်ႇ ဢဝ်ႁၢမ်းလၢႆ 

*ၵဝ်ႈယၢင်း ဢမ်ႇလီယ-ၵိၼ်ႈသၢင်း ဢမ်ႇလီပျ 

*ၵဝ်ႉ ၼႄးၵႃၵေႃႈ-ၵႃ ၼႄးၵဝ်ႉ

*ၵဝ်ႉ ၼႄး ႁၢင်ႈလမ်ၵႃ-ၵႃ ၼႄး ၵဝ်ႉတႃယႂ်ႇ

*ၵၢင်ၶမ်ႈ ယႃႇတမ်ၶဝ်ႈသၢၼ်-ၶၢဝ်းႁဵတ်းၵၢၼ် ယႃႇၼင်ႈ ဢုပ်ႇၶႅၵ်ႇ - ပိူၼ်ႈသႅၵ်ႇလႅၵ်ႇ ယႃႇယုမ်ႇ လုၵ်ႈယိင်း - ၵူၼ်းတၼ် ၵူၼ်းပိင်း ယႃႇယုမ်ႇၵႂၢမ်းၶဝ်လၢတ်ႈ

*ၵၢင်ၶမ်ႈ လွတ်ႈလိူၼ်သႂ်-ၵႄႈၵၢင်ၸႂ် မဝ်ႇမူၼ်ႈ 

*ၵၢင်သႆး ဝႆႉၼိူဝ်ၶႃႇ-ၸၢင်ႈၵွႃႇ ထုၵ်ႇပႃမုင်း 

*ၵၢင်သႆး ဢမ်ႇဢူတ်းၵူၼ်ႈ-မူၼ်ႈၸၢင်ႈဢဝ်ၵိၼ်ပႃ

*ၵၢင်သႆး ဢမ်ႇဢူတ်းၵူၼ်ႈ-ထုၵ်ႇၸႂ်မူၼ်ႈ ၵိၼ်ၸွမ်း 

*ၵၢင်သႆး ဢမ်ႇဢိုတ်းၵူၼ်ႈ-မူၼ်ႈ ယၵိၼ် တၢင်းၼႂ်း 

*ၵၢင်ၼႂ် ႁဵတ်းၼင်ႇၵူၼ်းထဝ်ႈ-ၶၢဝ်းၵိၼ်ၶဝ်ႈ ႁဵတ်းၼင်ႇမႄႈၸဝ်ႈႁိူၼ်း- ပေႃးဝၼ်းၸိူၼ်းမႃး ၵွႆႈႁဵတ်းသၢဝ်

*ၵၢင်ၼႂ် ႁဵတ်းၼင်ႇၼၢႆး-ဝၢႆးငၢႆး ႁဵတ်းမႄႈၶၢဝ်ႉ- ၶမ်ႈယဝ်ႉ ႁဵတ်းၼၢင်းသၢဝ်

*ၵၢင်ဝၼ်းတူၵ်း ႁူဝ်မူၵ်းၽႃႈ- လႅတ်ႇထွင်ႇၼႃႈ သမ်ႉဝႃႈလိူၼ်လႅင်း

*ၵၢင်းႁွင်ႈၽ-ဢမ်ႇၵၵေႃႈ လႆႈၵိၼ် 

*ၵၢၼ်ၵျၢမ်ႇၵူတ်ႉႁၢမ်းသိၼ်-မဝ်ႇပေႃးၵိၼ် ထူၼ်ႈၸူဝ်ႈ

*ၵၢၼ်ၼၵ်းၼႃ ၵၢၼ်ၸဝ်ႈဢွႆႈ-ၵၢၼ်ဢွႆႇမွႆႈ ၵၢၼ်ၶိင်းၵျွင်း

*ၵၢၼ်ပေႃႈမႄႈ ႁႃႈတၢင်း-ၵၢၼ်လုၵ်ႈလၢင်း ႁႃႈတီႈ

*ၵၢၼ်မေး သိပ်းႁႃႈႁူဝ်-ၵၢၼ်ၽူဝ် သိပ်းႁႃႈလွင်ႈ 

*ၵၢၼ်မေး ႁႃႈႁူဝ်-ၵၢၼ်ၽူဝ် ႁႃႈလွင်ႈ 

*ၵၢၼ်မဵဝ်းလႂ်ၵေႃႈယႃႇ-ပေႃးႁဵတ်းၵွႃႇ တၵ်းပဵၼ်

*ၵၢၼ်မိူၵ်ႈၵူႈလၢႆဢၼ်-ပိူၼ်ႈဢမ်ႇႁၼ်ၵေႃႈ လူဝ်ႇဝႄႈ 

*ၵၢၼ်လီ ၵူႈလၢႆသမ်ႇ-ပိၵ်ႉဢမ်ႇယွင်ႈ လူဝ်ႇပွင် 

*ၵၢၼ်လီ လူဝ်ႇမေႃၵျၢမ်ႇ-ၵၢမ်ႇလီ လူဝ်ႇမေႃပွင် 

*ၵၢၼ်လိူင်း ၵူႈလၢႆလွင်ႈ-ပိၵ်ႉပိူၼ်ႈယွင်ႈ ပေႁဵတ်း 

*ၵၢၼ်ဢမ်ႇမီး လူဝ်ႇႁႃ-ငိုၼ်းဢမ်ႇမႃး လူဝ်ႇၺၢမ်ႇ 

*ၵၢၼ်ႈမူဝ် ၼႄလွင်ႈၼမ်ႉ-တၢင်းယၢမ်ႈ ၼႄလွင်ႈၵူၼ်း 

*ၵၢပ်ႇၽႂ်ႇ ႁေႃႇလမ်းမၼ်း-ၵၢပ်ႇပူၵ်ႇ ႁေႃႇမႆႉပူၵ်ႇ-ၵၢပ်ႇဢေႃႈ ႁေႃႇမႆႉဢေႃႈ 

*ၵၢပ်ႇဝိူဝ်ႈလႄႈ ၶီႈႁဵၼ်-တိုၼ်းတေၵဵၼ်ၵၼ်ယူႇ 

*ၵၢပ်ႈၸၢင်ႉ လႆႈၵူဝ်ၵႂၢႆး-ႁဵၼ်လၢႆး ၵူဝ်ၵႆႇၽူႈ

*ၵၢပ်ႈၸၢင်ႉ လႆႈၵူဝ်ၵႂၢႆး-ႁဵၼ်လၢႆး လႆႈၵူဝ်မူၼ်ႈ 

*ၵၢမ်ႇ ၵူၼ်းၽၢၼ်-မၢၼ်ၶီႈၵႆႇ

*ၵၢမ်ႇသုၼ်ႇ မုၼ်ပၼ်ႇ-ႁိုင်ႁိုင် ႁၼ်ယေႈပွၵ်ႈ 

*ၵၢမ်ႇယုၵ်ႉၶိုၼ်ႈ ပဵၼ်ၶုၼ်-လိူၵ်ႈၶႃမုၼ် သႂ်ႇႁၢင်ႈ 

*ၵၢမ်ႇလီၵေႃႈ ၸၢင်ႈၽၢၼ်-ၵၢၼ်လီၵေႃႈ ၸၢင်ႈသုမ်း 

*ၵၢမ်ႇလီ မီးၵမ်ႈႁႃ-ၼႃးလီ မီးၵမ်ႈၽုၼ်ႇ 

*ၵႂၢမ်းၸဝ်ႈဝႃႈ ဢမ်ႇလိူဝ်-ၵႂၢႆးဢိူၵ်ႇၶိူဝ် ၵႃႈလႆႈၶီႇ

*ၵႂၢမ်းသႄႉ မိူၼ်မႃႁဝ်ႇ-ၵႂၢမ်းယွင်ႈ မိူၼ်လူမ်းပဝ်ႇ 

*ၵႂၢမ်းသင်ႇ မိူဝ်ႈၸမ်တၢႆ-ဢဝ်တွင်းမၢႆ တေႃႇၸူဝ်ႈ 

*ၵႂၢမ်းသၢင်းၽေႃး-ဢမ်ႇထုၵ်ႇႁူ ၵူၼ်းတေႃးတုၵ်ႉ

*ၵႂၢမ်းသွၼ် မိူဝ်ႈပႆႇတၢႆ-ယႃႇဢဝ်ႁၢႆ သွၼ်ႇႁူင်ႈ 

*ၵႂၢမ်းသိုဝ်ႈ တိုဝ်ႉၸၼ်း-ၶၼ်းႁူ ၵူၼ်းၵူတ်ႉ 

*ၵႂၢမ်းသိုဝ်ႈ တိုဝ်ႉၸၼ်း-ၶၼ်းႁူ ထွမ်ႇၸဵဝ်းယဝ်ႉ 

*ၵႂၢမ်းသိုဝ်ႈ မိူၼ်တိုဝ်ႉၸၼ်း-လၢတ်ႈလၼ်းၵၼ်း ထွမ်ႇယၢၵ်ႈ

*ၵႂၢမ်းသိုဝ်ႈ ဢမ်ႇလီႁူ-ဢေးလူ ဢမ်ႇဢိမ်ႇတွင်ႉ

*ၵႂၢမ်းတေႃးတုၵ်ႉ-ဢမ်ႇထုၵ်ႇႁူ ၵူၼ်းသၢင်းၽေႃး

*ၵႂၢမ်းထၢမ် ၸဝ်ႈဢမ်ႇလႃႇ-ၵႂၢမ်းဢႃႇၵႃႇ ၽႂ်ဢမ်ႇၸူမ်း 

*ၵႂၢမ်းထၢမ် ပိူၼ်ႈဢမ်ႇလႃႇ-ၵႂၢမ်းၶႃႇၵႄႇ ၽႂ်ဢမ်ႇႁူမ် 

*ၵႂၢမ်းထုင်းမီး မိူဝ်ႈၵွၼ်ႇ-ပေၽႃႈယွၼ်ႇ ၵဵပ်းတွင်း 

*ၵႂၢမ်းၼမ် ပေႉၵၢၼ်ႈၶႄႈ-ၶီႈႁႄႈ ပေႉတူင်ၸၢၼ်း 

*ၵႂၢမ်းၽူႈမျၢတ်ႈ ၵူၼ်းလီ-မဝ်ႇၶွၼ်းၼီ ၸၢႆႉပိူင်ႈ ၵႂၢမ်းမဝ် 

*ၵႂၢမ်းၽၢင်း ယႃႇၼပ်ႉလၢတ်ႈ-ၸၢင်ႈၶိုၼ်းပၢတ်ႈတူဝ်ႁဝ်း

*ၵႂၢမ်းယွၼ်း ယႂ်ႇလိူဝ်သိုဝ်ႉ-ပိူၼ်ႈၸၢင်ႈပိုဝ်ႉၶၼ်ႁႅင်း 

*ၵႂၢမ်းယွၼ်း ယႂ်ႇလိူဝ်သိူဝ်-တႃႇလႅမ်ႉၵိူဝ်ဢွၼ်ႇဢီႈ

*ၵႂၢမ်းလီ ၶေႃႈဝႃႇၸႃႇ-ပိူၼ်ႈထွမ်ႇသႃႇ ၸူမ်းငိၼ်း

*ၵႂၢမ်းလီ ၶဝ်ႈႁူၽႂ်ဢမ်ႇၸ-ၵႂၢမ်းၸ ၶဝ်ႈႁူၽႂ်ဢမ်ႇလီ 

*ၵႂၢမ်းလႆႈဝႃႈ ၽလႆႈမၵ်း-မၢၵ်ႇႁိၼ်ႁၵ်း ဢမ်ႇၵပ်းလႆႈ 

*ၵႂၢမ်းလႅၼ် ပႅၼ်ပၢၵ်ႇ-ယူႇယၢၵ်ႈ ဝၼ်းလိုၼ်း 

*ၵႂၢမ်းဢမ်ႇမီး ၽၢမ်းဝႃႈ-ၵႃႈဢမ်ႇလႆႈ ၶတ်းဢဝ် 

*ၵႂၢမ်းဢမ်ႇမီး လိူၵ်ႈလိူၵ်ႈဝႃႈ-ၶႂ်ႈၵိၼ်ၼေႃႇၸႄႈတႃႈ လိူၼ်သၢမ် 

*ၵိၼ် ၵႃႈသူပ်း-ၶူပ်း ၵႃႈတွင်ႉ

*ၵိၼ် ၵႃႈပၢၵ်ႇ-ယၢၵ်ႈ  ၵႃႈပုမ်

*ၵိၼ်ၵိၼ် ၶီႈၶီႈ-ဢမ်ႇထုၵ်ႇၼီႈ တေၵွႃႇမိူဝ်းလႂ် 

*ၵိၼ် ၶဝ်ႈၽႂ်-ပဵၼ်ၸႂ် မၼ်း

*ၵိၼ်ၶဝ်ႈ ႁႂ်ႈလႅတ်းလၵ်း-ၵိၼ်ၽၵ်း ႁႂ်ႈယႂ်ႇမူႈ 

*ၵိၼ်ၶဝ်ႈ ဝၢၼ်-ႁဵတ်းၵၢၼ် ၵႆႉ

*ၵိၼ်ၶဝ်ႈႁဝ်း လၢတ်ႈၶိူဝ်းပိူၼ်ႈ- ၼမ်ႉငိူဝ်ႈသိူၼ်ႈ ထိုင်ၸိၵ်း

*ၵိၼ်ၶဝ်ႈ ႁူမ်ႈႁႆ-ပႆတၢင်း ႁူမ်ႈသဵၼ်ႈ

*ၵိၼ်ၶဝ်ႈ ဢမ်ႇၽဵဝ်ႈမူႇ-ယူႇလႂ်ၵေႃႈ ပိူၼ်ႈၸင်း 

*ၵိၼ်ၶွင်ပိူၼ်ႈ လၼ်းၵၼ်း-ၸူၵ်းထွင်းမၼ်း မိုဝ်းသၼ်ႇ

*ၵိၼ်သင်ၵေႃႈ ဢမ်ႇမိူၼ်ၶဝ်ႈ-ဢဝ်သင်လဝ်ႈၵေႃႈ ဢမ်ႇမိူၼ်...

*ၵိၼ်သင် ဢမ်ႇလီၼႄ ၵူၼ်းထဝ်ႈ-ၵိၼ်လဝ်ႈ ဢမ်ႇလီၼႄ လုၵ်ႈဢွၼ်ႇ

*ၵိၼ်သင် ဢမ်ႇလီၼႄ ၵူၼ်းထဝ်ႈ-ၵိၼ်လဝ်ႈ ဢမ်ႇလီပၼ် မႄႈမၢၼ်း

*ၵိၼ်သူမ်ႈ ဢမ်ႇပႃးၵိူဝ်-သူမ်ႈဢိူဝ်လိူဝ် ၸၢင်ႈၽၢတ်ႇ 

*ၵိၼ်သူမ်ႈ ဢမ်ႇပႃးၵိူဝ် ဢုလုၽၢတ်ႇ-ၵွႃႇၵၢတ်ႇ ဢမ်ႇႁၼ်ၸု ဢုလုၸႂ်- မႃးႁိူၼ်း ဢမ်ႇႁၼ်ၽႂ် ဢုလုတိၼ်

*ၵိၼ်တၢင်းသူပ်း-ယႃႇႁႂ်ႈဢွၵ်ႇ တၢင်းသူပ်း 

*ၵိၼ်ၼင်ႇမႃ ၼွၼ်းၼင်ႇဝူဝ်း-ၸင်ႇၸဵဝ်းတူဝ်းၶိုဝ်ႉၶႂၢၵ်ႇ 

*ၵိၼ်ၼင်ႇဝူဝ်း ၼွၼ်းၼင်ႇမႃ-ပိၵ်ႉႁႃႁွမ် ႁွၼ်ႇမၢၵ်ႈ 

*ၵိၼ်ၼမ် ၸၢင်ႈတွင်ႉၶူၼ်ႉ-ဝူၼ်ႉၼမ်     ၼွၼ်းဢမ်ႇလပ်း 

*ၵိၼ်ၼမ် တွင်ႉၶူၼ်ႉ-ဝူၼ်ႉၼမ် ႁူဝ်ႁွၵ်ႇ 

*ၵိၼ်ၼမ် ဢမ်ႇပီး-ႁၢပ်ႇၼမ် ဢမ်ႇမီး 

*ၵိၼ်ၼမ်ႉ ႁူမ်ႈတဝ်ႈ-ၵိၼ်ၶဝ်ႈ ႁူမ်ႈမူႇ-ယူႇႁိူၼ်း ႁူမ်ႈႁွင်ႈ-ၵင်ႈၸွင်ႈ ႁူမ်ႈလူင်ႇ- သူင်ႇသွမ်း ႁူမ်ႈၵျွင်း-လွင်းမွၵ်ႈႁူမ်ႈသ- ၵၶၢႆ ႁူမ်ႈတိုၼ်း-ၼွၼ်းၶိုၼ်းႁူမ်ႈၽႃႈ

*ၵိၼ်ၼိူဝ်ႉ ၵိၼ်ပႃ ဢမ်ႇၵၢဝ်ႇႁႃ ပေႃႈမႄႈ- တိၼ်ယဵပ်ႇ မၢၵ်ႇႁိၼ်ႁႄႈ ၵၢဝ်ႇႁႃမႄႈ ၵမ်းလဵဝ်

*ၵိၼ်ပႃ ပေႉၶဝ်ႈ-ၵိၼ်လဝ်ႈ ပေႉၼိူဝ်ႉ 

*ၵိၼ်ပႃ ပေႉၶဝ်ႈ-ၵိၼ်လဝ်ႈ ပေႉဢီး

*ၵိၼ်ပႃလိပ်း ပဵၼ်ၽိူဝ်ႉ-ၵိၼ်ၼိူဝ်ႉလိပ်း ပဵၼ်ႁႅင်း 

*ၵိၼ်ပႃ ႁႂ်ႈလူၵၢင်ႈ-ႁဵတ်းႁၢင်ႈ ႁႂ်ႈလူၶူဝ်း

*ၵိၼ်ပႃ ဢမ်ႇလိူၵ်ႈၵၢင်ႈ-ၸၢင်ႈၸူၵ်ႉသဵပ်ႇ ၵူင်ၶေႃး

*ၵိၼ်မၢၵ်ႇၶၢမ် ၸႂ်ၸ-ၵိၼ်မၢၵ်ႇၼ ၸႂ်လီ 

*ၵိၼ်ယဝ်ႉ ဢမ်ႇပတ်းတီႈ-ထုၵ်ႇၼီႈ တေႃႇပေႃးတၢႆ 

*ၵိၼ်လီ ၸင်ႇမီးႁႅင်း-ၼုင်ႈလီ တႅင်းတႃပိူၼ်ႈ 

*ၵိၼ်လီ ၼွၼ်ႈဢုၼ်ႇ-ၵသုၼ်ႇ ၶၢႆမၢၼ်

*ၵိၼ်လီလီ ၼုင်ႈလိူမ်ႈလိူမ်ႈ-မၢၵ်ႇဢိုၼ်ႈၵိူမ်ႈ ႁၢမ်းၵႅၼ် 

*ၵိၼ်လဝ်ႈ သူႇယႃႈ-ယေႈလႃႈ ယေႈၶႅၼ်းယွမ် 

*ၵိၼ်လဵၵ်ႉ ထႃႈယႂ်ႇ-ၵိၼ်ဝႂ် ထႃႈယွတ်ႈ

*ၵိၼ်လူင် ဢမ်ႇပီး-ႁဵတ်းလူင် ဢမ်ႇမီး 

*ၵိၼ်ဢႄႇဢႄႇ လူႇႁႅင်းႁႅင်း-ပိူၼ်ႈႁၵ်ႉပႅင်း ၵူႈၵေႃႉ 

*ၵိၼ်ဢိတ်းဢိတ်း ၼုင်ႈဢႄႇဢႄႇ-လႆႈပွင်တႄႇ ႁိူၼ်းလူင်

*ၵိၼ်ဢမ်ႇသဵင်ႈ မိူဝ်းၵၢတ်ႇ-ၶၢႆဢမ်ႇၶၢတ်ႇ မိူဝ်းၵျွင်း 

*ၵဵပ်းၵႃႈၼမ်ႉ လႆႈႁွႆ-ၵဵပ်းၵႃႈလွႆ လႆႈမၢၵ်ႇ 

*ၵဵပ်းမတ်း သႂ်ႇမူၵ်ႇ-ၸၢမ်းတၢင်းၼူၵ်ႇ

*ၵဵပ်းႁွမ် တွမ်ၸု-ဢမ်ႇတၼ်းႁု တဵမ်ပၼ်း

*ၵႅပ်ႉသင် တၢႆၵွပ်ႈၼၼ်ႉ-ၵႅပ်ႉမႆႉ တၢႆၵွပ်ႈမႆႉ-ၵႅပ်ႉၼမ်ႉ တၢႆၵွပ်ႈၼမ်ႉ 

*ၵုင်ႇတေႃႇၸဝ်ႈသၢမ်မွၼ်း-သီႇသူပ်းၶွၼ်း ၵႆႉလွတ်ႈ 

*ၵူၺ်တႃႁၢင်ႇ တၵ်းၼမ်ႉ-ႁဵတ်းသမ်ႉၶၢင်းႁိူဝ်ႉမွႆႈ 

*ၵူၺ်ႈ လီမိူဝ်ႈလိူၼ်ၵဝ်ႈ-ၶဝ်ႈ လီမိူဝ်ႈလိူၼ်သိပ်း 

*ၵူၺ်ႈဢမ်ႇလုမ်းလႃး ပဵၼ်ယူၵ်ႇ-ပီႈၼွင်ႉ ဢမ်ႇတူၵ်ႇ ဢမ်ႇႁႃ ပဵၼ်ပိူၼ်ႈ 

*ၵူတ်ႉၼင်ႇၵၼ် ၵွင်ႉၵၼ်-ၽႂ်ႁၼ်ၽႂ် ၶႂ်ႈၶႃႈ 

*ၵူတ်ႉ ဢမ်ႇပေႉသိုဝ်ႈ-လိုဝ်ႈ ဢမ်ႇပေႉပႆ 

*ၵူၼ်ႈမေႃႈပွင်ႇ-ယႃႇၵွင်ႇၶေႃးပႂ်ႉၵိၼ်

*ၵူၼ်းၵ ၵူၼ်းၵူး-သိုဝ်ႉမူး ၶၢႆမတ်ႈ

*ၵူၼ်းၵတ်ႉ လူမ်ႉၵူၼ်းၼမ်-ၵူၼ်းၼမ် လူမ်ႉဢႃႇၼႃႇ- ဢႃႇၼႃႇ လူမ်ႉတၢင်းမေႃ

*ၵူၼ်းၵဝ်ႈၵေႃႉ ၽၵ်းၵဝ်ႈၵမ်-ၵူၼ်းၼမ် ၵိၼ်ဢမ်ႇသဵင်ႈ 

*ၵူၼ်းၵဝ်ႈၵေႃႉ ႁဵတ်းၵဝ်ႈၵႄႇ-ႁႃၽိုၼ်း သႄႇၵူၼ်ႈမေႃႈ ဢမ်ႇမီး 

*ၵူၼ်းၵၢမ်ႇၵႅၼ်-ၺႃးပိူၼ်ႈလႅၼ် ပိူၼ်ႈလၵ်ႉ 

*ၵူၼ်းၵၢမ်ႇၵႅၼ်-ပၢႆႈတႅၼ် သမ်ႉၺႃး တေႃႇ-ပၢႆႈတေႃႇ သမ်ႉၺႃး ၽိူဝ်ႉၼွၼ်းဝၼ်း

*ၵူၼ်းၵိၼ်ယႃႈလမ်သူႇ-ၵွႆႈယူႇ ၵွႆႈၽၢၼ်ၵႅၼ်း

*ၵူၼ်းၵွတ်းတႅင်ႇႁၢင်ႈၶိူင်ႈ-မဝ်ႇလၢၵ်ႇပိူင်ႈလႂ်မႃး

*ၵူၼ်းၵွတ်း ဢမ်ႇလီဢဝ်ႁဵတ်းၵႄႇ-ၸဝ်ႈမုၼ်လႄႇ ဢမ်ႇလီဢဝ်ၼင်ႈၵျွင်း

*ၵူၼ်းၵျ လႆႈတူၵ်းၵိၼ်း-လွင်ႈဢၢၼ်းဢဵၼ်း မဝ်ႇၽႃႈ 

*ၵူၼ်းၶေႃႉ ဢမ်ႇလီသူပ်းယၢဝ်း-ၵူၼ်းလႄႇလၢဝ်း   ဢမ်ႇလီဢႃႇၵႃႇ 

*ၵူၼ်းၶၢၼ်ႉ ပၢႆႈၵၢၼ်-မိူၼ်ၵႂၢႆးငၢၼ် ပၢႆႈဢႅၵ်ႇ

*ၵူၼ်းၶၢၼ်ႉ ယႃႇၸႂ်ႉသွႆးၽၵ်းမီႇ-ၵူၼ်းထီႇ ယႃႇၸႂ်ႉ ပွၵ်ႇမၢၵ်ႇၵဵင်

*ၵူၼ်းၶၢၼ်ႉ ဢမ်ႇမီးၵၢၼ်-ၵူၼ်းၽၢၼ် ၵႂၢမ်းဢမ်ႇမၼ်ႈ 

*ၵူၼ်းၶၢၼ်ႉ ဢမ်ႇမီးၵၢၼ်-ၵူၼ်းၽၢၼ် ဢမ်ႇမီးၵတိ 

*ၵူၼ်းငိူဝ်ႈ ယႃႇယွၵ်ႇ-တေႃလွၵ်ႇ ယႃႇၶွၼ်း 

*ၵူၼ်းၸႂ်လီ မီးဢႄႇ-ၵူၼ်းၶႃႇၵႄႇ မီးၼမ် 

*ၵူၼ်းၸႂ်တူၵ်း ၵိၼ်လဝ်ႈ-ၸဝ်ႈတေလု မိူၵ်ႈလိူင်း 

*ၵူၼ်းၸႂ်ဢမ်ႇသိုုဝ်ႈ-ယႃႇလိုဝ်ႈႁူမ်ႈ ၸွမ်းမၼ်း 

*ၵူၼ်းၸႂ်ဢမ်ႇလီ-ယႃႇသီၶႆး ႁူမ်ႈတႃႈ

*ၵူၼ်း ၸၢင်ႈၶ မဝ်ႇပႅတ်ႈၵၢၼ်ပွင်- ၵူၼ်းၶႅၼ်ၶွင် ဢူၺ်းၵေႃႉဢႄႇ

*ၵူၼ်းၸၢင်ႈၶ မဝ်ႇပႅတ်ႈၵၢၼ်ပွင်-တူၵ်းတၢႆၵွင် ၸွမ်းၼမ်ႉ

*ၵူၼ်းၸိုဝ်ႈႁူင်-ၵူၼ်းသူင်ၼမ်-ၵူၼ်းၸင်းၵေႃႈ လိူင်ႇ

*ၵူၼ်းသၢမ်မဵဝ်း ယႃႇႁူမ်ႈလူၺ်ႈ- ၼမ်ႉသၢမ်ႁူၺ်ႈ ယႃႇႁဵတ်းၼႃး

*ၵူၼ်းသူပ်းၵျၢမ်း ၵေႃႉဢႄႇ-ၼင်ႇလႅတ်ႇၵႄႇ ဝၼ်းႁၢင်း 

*ၵူၼ်းသူပ်းၶႅဝ်း ၸၢင်ႈၶ-ၵူၼ်းၵ ၵႂၢမ်းမေႃလႅၼ် 

*ၵူၼ်းသူပ်းလူၺ်ႈ ဢမ်ႇထုၵ်ႇၸေႃႉမူၼ်း-လုၵ်ႈဢွၼ်ႇလူၼ်း ဢမ်ႇထုၵ်ႇၸၢၼ်းၽၢၵ်ႈၶွၼ်ႈ 

*ၵူၼ်းသူပ်းဝၢၼ် ၵေႃႉဢုမ်ႇ-ယိူင်ႈမိူၼ်ပုမ်ႇ ဝူင်းလိူၼ် 

*ၵူၼ်းသူပ်းဝၢၼ် ၵူၼ်ႈသူမ်ႈ-ယႃႇလိုဝ်ႈႁူမ်ႈႁိူၼ်းမၼ်း 

*ၵူၼ်းသွမ်း ၼင်ႇမၢၵ်ႇလိူဝ်ႇ-လီဢိမ်ႇမိူဝ်ႇၸႂ်မၼ်း 

*ၵူၼ်းတေလု ၵိၼ်လဝ်ႈ-ၸဝ်ႈတေလု မိူၵ်ႈလိူင်း 

*ၵူၼ်းတၼ်း ဢမ်ႇမီးမၢၵ်ႈ-ၵူၼ်းမၢၵ်ႈမီး ဢမ်ႇတၼ်း 

*ၵူၼ်းတၢင်းႁုၵေႇၵႅပ်ႈ-မဝ်ႇထုၵ်ႇလႅပ်ႈ ၵၢင်ပွႆး

*ၵူၼ်းတၢင်းႁု ယႂ်ႇၼႅၼ်ႈ-ၸင်ႇထုၵ်ႇမႅၼ်ႈ ပွႆးလူင် 

*ၵူၼ်းထဝ်ႈ ဢမ်ႇႁၼ်တြႃး-လုၵ်ႈလၢၼ်မႃး ၸင်ႇၸႅင်ႈ 

*ၵူၼ်းထူဝ်ႇၼဝ်ႈ ၶဝ်ႈၵူႈပိူင်-ၵူၼ်းၼိူဝ်ႉလိူင် တပ်းၵႂ်ႈ 

*ၵူၼ်းၼမ် ပွႆးဢမ်ႇၵိုၼ်း-ၽိုၼ်းၼမ် ၽႆးဢမ်ႇလုၵ်ႉ 

*ၵူၼ်းၼုမ်ႇ ၽိုတ်ႉၶဝ်ႈ-ၵူၼ်းထဝ်ႈ ဝူင်ဢွၵ်ႇ 

*ၵူၼ်းၼုမ်ႇ ႁၵ်ႉတႃႇၶဝ်ႈ-ၵူၼ်းထဝ်ႈ ႁၵ်ႉၼဵင်ႈယမ်း 

*ၵူၼ်းၼူၵ်ႇ ၺႃးၸိူၵ်ႈၽႅတ်း-ၵူၼ်းလႅတ်း ၺႃးမၢၵ်ႇၵၢင်ႇ

*ၵူၼ်းပိင်း တႅမ်ႈလင်ႇၵႃႇ-မဝ်ႇထွမ်ႇသႃႇ မႃးၸႂ်

*ၵူၼ်းပိင်း ဢမ်ႇလီႁဵတ်းၵေႃႉ- ၵူၼ်းႁၢင်ႈသေႃႉလေႃႉ  ဢမ်ႇလီပၼ်ၵူႈငိုၼ်း

*ၵူၼ်းပဵၼ် ၸႂ်ပွတ်း-ၵူၼ်းၵွတ်း ၸႂ်ပိတ်း 

*ၵူၼ်းပဵၼ် ၸႂ်ပွတ်း-ၵူၼ်းၵွတ်း ၸႂ်လမ် 

*ၵူၼ်းၽၢၼ် ၵိုင်ႉၵၢင်ႉမီး-ၵႂၢမ်းပီး တၢၼ်ႇမၢၵ်ႇပၵ်ႉ 

*ၵူၼ်းၽၢၼ် ၽႃႈႁူမ်ႇ ပွတ်း-ၵူၼ်းၵွတ်း ၽႃႈႁူမ်ႇမၢင်

*ၵူၼ်းမၢၼ်း ဢမ်ႇလီၶီႇလေႃႉ-ၵူၼ်းၶေႃႉ ဢမ်ႇလီႁဵတ်းၼၵ်း

*ၵူၼ်းမီး ၵိုင်ႉၵၢင်ႉၽၢၼ်-ၵႂၢမ်းဝၢၼ် တၢၼ်ႇၼမ်ႉဢွႆႈ 

*ၵူၼ်းမီးငိုၼ်း လၢတ်ႈသမ်ႇ-ၵူၼ်းဢမ်ႇမီး လၢတ်ႈၶႅင် 

*ၵူၼ်းမီးငိုၼ်း ဢႃႇၵႃႇ-လွင်ႈၵျၢမ်ႇမႃႇ တၵ်းထူပ်း

*ၵူၼ်းမီး ၸၢင်ႈၵ-ၸဝ်ႈၽ ၸၢင်ႈၵႂၢမ်း

*ၵူၼ်း မီးၼႃႈႁိူၼ်း ၶၢၼ်ႉ-မဝ်ႇၶိုတ်းၸၼ်ႉ ပိူင်ၵူၼ်း 

*ၵူၼ်းမႂ်ႈ တိုၼ်းၵႂၢမ်းၼမ်-ပိၵ်ႉဢမ်ႇထၢမ်ၵေႃႈလၢတ်ႈ 

*ၵူၼ်းမဝ်ႇလွမ် ၵွင်ႇၵေႃႈ-ၵႅၼ်ႇတူၵ်းယေႃႈ တင်းလူင် 

*ၵူၼ်းမၢၵ်ႇလိူဝ်ႇ ၵျပႃႈၼွၵ်ႈ-ၵူၼ်းမၢၵ်ႇၸွၵ်းၵျၵူႈၽၢႆႇ

*ၵူၼ်းမၢၵ်ႇလိူဝ်ႇ ၵျပႃႈၼွၵ်ႈ-ၼွၼ်ၽွၵ်ႈၸီးတၢင်းၼႂ်း

*ၵူၼ်းမိူၵ်ႈ ႁၼ်ၽူႈမျၢတ်ႈ-သႄႉဢုပ်ႇလၢတ်ႈ ၶၢႆၵဝ်း 

*ၵူၼ်းယိင်းၽူႈၵႄႇထဝ်ႈ-ၸၢင်ႈလၢတ်ႈလဝ်ႇသွၼ်ၵႂၢမ်း

*ၵူၼ်းယွင်ႈၶိုၼ်ႈ ယႃပၼ်ႁုင်ၶဝ်ႈၽၵ်း-

*ၵူၼ်းဢမ်ႇလၵ်း ယႃႇပၼ်ယိပ်းၶိူင်ႈ 

*ၵူၼ်းယွၼ်း လူဝ်ႇထူင်ၸၢၼ်ႈ-ၵႄႇဝၢၼ်ႈ လူဝ်ႇၸႂ်ယၢဝ်း 

*ၵူၼ်းလီၸႂ်ႉလႄႈ ၵူၼ်းၸႂ်ႉလီ- လူဝ်ႇမေႃၽႄ ၸႅၵ်ႇဝၢၵ်ႈ

*ၵူၼ်းလီၸႂ်ႉလႄႈ ၵူၼ်းၸႂ်ႉလီ-ဢမ်ႇၶီၸႂ်ယၢပ်ႇမွႆႈ 

*ၵူၼ်းလီ ၸင်ႇႁူမ်ႈပိူၼ်ႈ-ၸၢင်ႈႁုငိူၼ်ႈ ႁၼ်ႁွႆး 

*ၵူၼ်းလီ ၼင်ႇလၢင်းသုၵ်း-ၼွၵ်ႈ ၼၢမ်ပူၵ်းၸႅၼ်ႇယင်ႈ 

*ၵူၼ်းလီ ၽီၸွႆႈမ-ၵူၼ်းၵျ ပိူၼ်ႈၸွႆႈႁွပ်ႇ

*ၵူၼ်းလီ ၽီဢဝ်ၵွႃႇ-ၵူၼ်းၸ ၽီလႃႇၶိုၼ်း 

*ၵူၼ်းလီ မီးယေႈၸဝ်ႈ-မိုၼ်ႇၵူၼ်း တဝ်ႈၵိူဝ်းလီ 

*ၵူၼ်းလီ ဢၢႆႈသူပ်းဝႅင်ႇ-ယႃႇၵႆႉတႅင်ႇႁဵတ်းၵႂၢမ်း 

*ၵူၼ်းလၵ်း သမ်ႉႁၢင်ႈသိူၼ်ႈ-လႄႇၸွပ်ႇငိူၼ်ႈ ႁႃႁွႆး

*ၵူၼ်းလၵ်းလႅမ် ဝူၼ်ႉၺၢၼ်ႇ-မၢၼ်ႇသေ ၽူႈငိူဝ်ႈ လႆႈတႃႁၼ်

*ၵူၼ်းလၵ်း ဢဝ်ၵိၼ်-ၵူၼ်းငိူဝ်ႈ ဢဝ်တိၼ်ယဵပ်ႇ 

*ၵူၼ်းလႅတ်း ဝူၼ်ႉ-ပူၼ်ႉ ၵူၼ်းငိူဝ်ႈတူဝ်ထူပ်း 

*ၵူၼ်းလႅတ်း ႁၼ်ၽေးၵႆ-ဝႄႈဝၢင်ႈပႆ ဢမ်ႇသူႈ 

*ၵူၼ်းလူင် လၢတ်ႈၵႂၢမ်းဢွၼ်ႇ-ၽႂ်ဢမ်ႇသွၼ်ႇ ၵိၼ်မၼ်း

*ၵူၼ်းလူင် ႁဵတ်းလုၵ်ႈဢွၼ်ႇ-ၽႂ်မဝ်ႇသွၼ်ႇၵူဝ်ယမ် 

*ၵူၼ်းဝၢၼ်ႈၼွၵ်ႈ-ပေႃးလႆႈလွၵ်ႈၵေႃႈ လွၵ်ႈသေၼႂ်းဝဵင်း 

*ၵူၼ်းႁု ၼမ်-ၵူၼ်းၵမ် ၵေႇ

*ၵူၼ်းႁု ပဵၼ်ၵူၼ်ႈႁူး-တၢၼ်ႇၵိုင်ႇၸွႆႉ ၵိုင်ႇမူး 

*ၵူၼ်းႁု ပဵၼ်ၵူၼ်ႈႁူး-ထၢၵ်ႈလူင် ၸူင်ၵွင်းမူး 

*ၵူၼ်းႁုမေႃ ၺၢၼ်ႇၵႂၢင်ႈ-ၵူႈၶွၵ်ႇ ၸၢင်ႈႁိုဝ်မီး 

*ၵူၼ်းႁု မိူၼ်ၼင်ႇၵွင်-ပေႃးဝႆႉမွင် မဝ်ႇႁူၼ်ႈ 

*ၵူၼ်းႁၢႆႉ ၵူၼ်းၼႃႈလၢႆး-ၵႂၢႆးႁၢႆႉ ၵႂၢႆးၶဝ်မွင်ႉ 

*ၵူၼ်းႁၢႆႉ ၵူၼ်းၼႃႈလၢႆး-ၵၢႆးႁၢႆႉ ၵႂၢႆးႁူဝ်ၵူၵ်ႇ 

*ၵူၼ်းႁၢႆႉ ပိူၼ်ႈၸၢင်ႈတႅၼ်ႇ-ၵူၼ်းၶႅၼ်ႇ ပိူၼ်ႈၸၢင်ႈပေႃႉ

*ၵူၼ်းႁၢင်ႈၸ ၵႂၢမ်းၼမ်-ၵူၼ်းတိုဝ်တၼ် ၸၢင်ႈသမ်ႇ 

*ၵူၼ်းႁၢင်ႈၸၼႅၼ်ႇၼႃႇ-ဢိင်ပၺ်ႇၺႃႇသေ သဝ်း 

*ၵူၼ်းႁၢင်ႈလီ မီးလၢင်ႇ-ၵၢင်းႁၢင်ႈလီ မီးၼူတ်ႇ 

*ၵူၼ်းႁၢင်ႈလီ မီးလၢင်ႇ-ၵူၼ်းၼႃႈၸိုၼ်ႈ တႃပၢင်ႇ မီးသိဝ် 

*ၵူၼ်းႁၢင်ႈလီ ဢမ်ႇၵႃႈ-ၵူၼ်းထုၵ်ႇၼႃႈ ၼၢၼ်းမီး 

*ၵူၼ်းႁၢင်ႈလီ ဢမ်ႇၵႃႈ-ၵူၼ်းႁၢင်ႈၸ ဢမ်ႇပေႃး 

*ၵူၼ်းႁိတ်ႉၽႅဝ် လူဝ်ႇႁႅတ်ႉ-မေး ၸၢင်ႈပႅတ်ႉ ယႃႇမွပ်ႇ

*ၵူၼ်းႁဵတ်းမေႃႈ ပေႃႉသႂ်ႇ-မဝ်ႇမွင်းၽႂ်ႇ မၼ်းၵွႆ

*ၵူၼ်းႁိတ်ႉၽႅဝ် လူဝ်ႇႁႅတ်ႉ-မေး ၸၢင်ႈပႅတ်ႉ ယႃႇမွပ်ႇ

*ၵူၼ်းႁိူဝ်ႉမွႆႈၶၢဝ်းတၢင်း-ၼိုင်ႈၽွမ် ၶၢင်းယဵတ်ႇယိုတ်ႈ 

*ၵူၼ်းဢီးလိုမ်းၵေႃႈ-ၵေႃႉလူမ်ႉ တွင်းယူႇ 

*ၵူၼ်းဢၼ်ပေႃႈမၼ်းတႅမ်ႇ-ပွင်ယွမ်ႇယႅမ်ႇ မဝ်ၽျၢင်း 

*ၵူၼ်းဢၼ်မႄႈမၼ်းယေႃႈ-ႁွၼ်ႇလၢတ်ႈၶေႃႈၵႂၢမ်းလီ 

*ၵူၼ်း ဢမ်ႇလီ လူဝ်ႇပေႃႉ-ၵေႃႉ ဢမ်ႇလီ လူဝ်ႇဢမ် 

*ၵူၼ်းဢမ်ႇႁုထမ်ႇမႃႇ-သမ်ႇသရႃႇ ယၢဝ်းယိုၼ်း 

*ၵူမ်ႈၼႃႈ တေႃႇလိၼ်မိူင်း-တေႁိူင်းယူႇဝၼ်းၼိုင်ႈ

*ၵူဝ်ၼႃႇၽႅဝ်ၵေႃႈ ၸၢင်ႈတၢႆ-ဢၢႆၼႃႇၽႅဝ်ၵေႃႈ ၸၢင်ႈလူမ်ႉ 

*ၵွၵ်းႁူဝ် ပဵၼ်သၢင်-ပွတ်းၵၢင် ပဵၼ်ၽီ-ၽၢႆႇတႂ်ႈသၢႆလီလူင်း ပဵၼ်ၵူၼ်း

*ၵွင်ငိုၼ်း တၢၼ်ႇလွႆႁႆႈ-ပေႃးႁူဝ်ၶႆႈ တေႁဵတ်းႁိုဝ်သိူဝ်း 

*ၵွင်ႇၵေႃႈ ဢမ်ႇမီးတႃ-ပိူၼ်ႈငႃႁူဝ်ၵေႃႈ လႆႈ 

*ၵွင်ႇၵေႃႈ ဢမ်ႇႁၼ်-ဝၼ်းတၢႆ ဢမ်ႇႁု

*ၵွင်ႇမႆႉ ၼူပ်ႈၸူးတၢင်း-ပိုတ်းသႂ်ႇၵၢင်း ၵေႃႉၼူပ်ႈ 

*ၵွင်းမူး ထၢတ်ႈလီလွၼ်ႇ-မီးတမ်ႇၵွၼ်ႇ ႁၼ်ငၢမ်း 

*ၵွတ်းထူၼ်ႈယဝ်ႉ ၸင်ႇႁႃ-ၶႃႁၵ်းယဝ်ႉ ၸင်ႇလၢပ်ႇ 

*ၵွတ်းႁဵၼ်ႈယဝ်ႉ ၸင်ႇႁႃ-ၶႃႁၵ်းယဝ်ႉ ၸင်ႇၵႆႉ 

*ၵွတ်းႁဵၼ်ႈယဝ်ႉ ၸင်ႇႁႃ-ၶႃႁၵ်းယဝ်ႉ ၸင်ႇလၢပ်ႇ 

*ၵိုၵ်းငိုၵ်းလႄႈ ၵိုင်ႇငိုင်ႇ-ပိူၼ်ႈတိုၼ်းၵိုင်ႇၵၼ်မႃး

*ၵိုၵ်းလိုၵ်း ၵဝ်ႇလဝ်ႇ-ၸၢင်ႈမေႃၶဝ်ႇ မေႃယႅၼ်း 

*ၵိုၵ်းလိုၵ်းလႄႈ ၵိုင်ႇလိုင်ႇ-မၢၵ်ႇတိုင်ႇ လႅၵ်ႈၵိူဝ်သၢႆး 

*ၵိုင်လိုင် ၵၢင်ႉလၢင်ႉ-ပူႇၵၢင်ႉၵေႃႈ မၼ်းထဵင် 

*ၵိုင်ႇငိုင်ႇလႄႈၵိုၵ်းလိုၵ်း-ပိူၼ်ႈတိုၼ်းၵိုၵ်းၵၼ်ဝႆႉ 

*ၵိုင်ႉၵၢင်ႉၵိၼ် ၸၢင်ႈၵႅၼ်ႉ-ၵိုင်ႉၵၢင်ႉလႅၼ်ႈ ၸၢင်ႈလူမ်ႉ 

*ၵိုတ်းလိုတ်း ၵၢတ်ႇလၢတ်ႇ-ၶၢႆဢမ်ႇၶၢတ်ႇ ပေႃႉဢမ်ႇတၢႆ 

*ၵိူတ်ႇပႃးမႃး-ယႃဢမ်ႇလႆႈ

*ၵိူဝ်ၸဵမ်း ၽူတ်ႉၼႂ်းၵၢင်-ၵိူဝ်ၸၢင် ၽူတ်ႉၸွမ်းႁိမ်း 

*ၵျၢမ်ႇတိူၵ်ႈ ၸင်ႇၶုတ်းၶမ်း-ႁူင်ႇၵူၼ်ယမ်း ၸႄႈၼမ်ႉ 

*ၵျၢမ်ႇတိူၵ်ႈ ၸင်ႇၶုတ်းသႅင်-သိူဝ်ႈၶူဝ်းလႅင် ၵူဝ်ႈၵူမ်ႇ

From Wikipedia