သင်ႇထိုင် ၼွင်ႉယိင်း

သင်ႇထိုင် ၼွင်ႉယိင်း

==============

✅✅ၼွင်ႉယိင်း.... သင်ဝူၼ်ႉလီယဝ်ႉဝႃႈ တေဢၢင်ႈတႄႇၼႃႈႁိူၼ်းတႄႉၼႆ ၼွင်ႉယိင်းယႃႇလိူၵ်ႈၵူၼ်းၽိတ်းၼႃး။ ဢၼ်လမ်ႇလွင်ႈသေပိူၼ်ႈ ၼႂ်းၼႃႈႁိူၼ်းၼိုင်ႈလင်ၼၼ်ႉ ပဵၼ်လွင်ႈမေႃဢွၼ်ႁူဝ်ၼႃႈႁိူၼ်း ႁႂ်ႈလီလီၼၼ်ႉယဝ်ႈ။

✅✅သင်ဢမ်ႇမေႃဢွၼ်ႁူဝ် ၼႃႈႁိူၼ်းလီလီၼႆ တႃႇႁႂ်ႈၼႃႈႁိူၼ်းၼိုင်ႈလင် ပေႃးတေမီးလွင်ႈမူၼ်ႈသိူဝ်းလႆႈၼၼ်ႉ မၼ်းဢမ်ႇငႆၢႈ။ ယႃႇၵႂႃႇဝူၼ်ႉဝႃႈ သင်ဢဝ်ၵၼ်မႃးၼႆ ၶဝ်တေလႅၵ်ႈလႆၢႈလႆႈတၢင်းယၢမ်ႈတူဝ်ၶဝ်။ ယႃႇၵႂႃႇဝူၼ်ႉဝႃႈ သင်ၼွင်ႉယိင်းလၢတ်ႈပၼ်ၼႆ မၼ်းတေလႆႈ။ 

✅✅ယႃႇၵႂႃႇဝူၼ်ႉဝႃႈ သင်ၼွင်ႉယိင်းႁဵတ်းသၢင်ႈပၼ်ၼႆ တေလႆႈယူႇ။ ယႃႇၵႂႃႇယုမ်ႇၶေႃႈၵႂၢမ်းဢၼ်ဝႃႈ သင်ဢဝ်ၵၼ်မႃးၼႆ ၶဝ်တေဢမ်ႇႁဵတ်းထႅင်ႈၼၼ်ႉ။ 

✅✅ၶဝ်တေလၢတ်ႈဝႃႈ ဝၢႆးဢဝ်ၵၼ်မႃးယဝ်ႉ တေဢမ်ႇၵိၼ်ထႅင်ႈ။ ဝၢႆးဢဝ်ၵၼ်မႃးယဝ်ႉၵေႃႈ ၶဝ်တေလၢတ်ႈထႅင်ႈဝႃႈ ႁဝ်းပႆႇတတ်းတၢင်းယၢမ်ႈၼႆႉလႆႈ ပၼ်ၶၢဝ်းယၢမ်းႁဝ်းထႅင်ႈဢိတ်းၼႃ။ 

✅✅သင်သူပႃးတွင်ႉမႃးၵွၼ်ႇ ႁဝ်းတေတတ်းၶၢတ်ႇႁႂ်ႈမၼ်းလႆႈ။ သင်သူၵိူတ်ႇလုၵ်ႈမႃးၵွၼ်ႇ ႁဝ်းတေတတ်းၶၢတ်ႇႁႂ်ႈမၼ်းလႆႈတႄႉတႄႉသေ တေဢမ်ႇၵိၼ်ထႅင်ႈယဝ်ႉ။ ၵိူတ်ႇလုၵ်ႈမႃးယဝ်ႉၵေႃႈ တိုၵ်ႉပႆႇတတ်းလႆႈသေ ၵိၼ်ဝႆႉထႅင်ႈယူႇ။

✅✅ၼွင်ႉယိင်းဢူၺ်.... ၵူၼ်းၵေႃႉဢၼ်ၵိၼ်လွင်ႈမဝ်းမိင်း ပၢၼ်ပဵၼ်မၢဝ်ႇၼုမ်ႇဝႆႉၼၼ်ႉ သင်တႄႇၼႃႈႁိူၼ်းမႃးၵေႃႈ ႁူႉတေၵိၼ်ထႅင်ႈၵူၺ်း။ လႆႈလုၵ်ႈမႃးၵေႃႈ ႁူႉတေၵိၼ်ထႅင်ႈမိူၼ်ၵၼ်။ 

✅✅ၵူၼ်းၵေႃႉဢၼ် မေႃထႃႉမေႃလႃႇ ပၢၼ်ပဵၼ်မၢဝ်ႇၼုမ်ႇၼၼ်ႉ  သင်တႄႇၼႃႈႁိူၼ်းမႃးၵေႃႈ တေမေႃထႃႉလႃႇ လုၵ်ႈလၢင်းၼၢင်းမေးတူဝ်ၵဝ်ႇၶိုၼ်းဢမ်ႇႁၢင်ႉ။ ယႃႇၵႂႃႇဝူၼ်ႉဝႃႈ သင်ၵဝ်လၢတ်ႈပၼ်သွၼ်ပၼ်ၼႆ မၼ်းတေလႆႈဢၼ်ဝႃႈၼၼ်ႉ။

✅✅တၢင်းယၢမ်ႈဢၼ်ဝႃႈၼႆႉ ႁႂ်ႈတတ်းၶၢတ်ႇမၼ်းပႅတ်ႈလႆႈၼၼ်ႉ မၼ်းဢမ်ႇငႆၢႈ။ လႆႈၵေႃႈတေလႆႈၸူဝ်ႈၵႅပ်ႉၸူဝ်ႈၵမ်းသေ သင်ႁိုင်မႃးၵေႃႈ တေၶိုၼ်းမိူၼ်ၵဝ်ပႅတ်ႈ။

✅✅ယွၼ်ႉၼၼ် သင်ဝႃႈၼွင်ႉယိင်း တေဢၢၼ်းတႄႇၼႃႈႁိူၼ်းၵႂႃႇတႄႉယဝ်ႉၼႆ ယႃႇႁႂ်ႈလႆႈလိူၵ်ႈၺႃးၵူၼ်းၽိတ်းၼႃ။

ပိၼ်ႇတႅမ်ႈ

♡︎𝙆𝙤𝙣 𝙆𝙝𝙪𝙧 𝙋𝙖𝙣𝙣𝙖𝙨𝙖𝙢𝙞♡︎☺︎︎✍︎