လႆၢးႁဵတ်းငဝ်းတူဝ်လိၵ်ႈ ၸႂ်ႉ Adobe Photoshop သေႁဵတ်း၊
(Photoshop Text Reflection)
႑ႉ တႅမ်ႈတူဝ်လိၵ်ႈ
ပိုတ်ႇပူဝ်းၵႅမ်း Photoshop ၶိုၼ်ႈမႃး၊ ယဝ်ႉၵေႃႈတႅမ်ႈတူဝ်လိၵ်ႈဢၼ်ႁဝ်းလူဝ်ႇၼၼ်ႉလူင်း၊ လႄႈႁၢင်ႈၶိူင်ႈပိုၼ်ႉမၼ်း ၼင်ႇဢၼ်ႁဝ်းၵျိူၵ်ႈၼၼ်ႉတ။ ၽႂ်ၵျိူၵ်ႈတူဝ်လိၵ်ႈမဵဝ်းႁိုဝ်ၵေႃႈလိူၵ်ႈဢဝ် လႄႈသႂ်ႇသီဢၼ်ၵျိူၵ်ႈၼၼ်ႉၸွမ်း။
႒ႉ Copy Layer ႁႂ်ႈမီးသွင်ဢၼ်မိူၼ်တီႈတႂ်ႈၼႆႉၼႃႈ။
႓ႉ ႁဵတ်းႁႂ်ႈတူဝ်လိၵ်ႈမၼ်းဝႆၢႇလူင်း၊ ၶဝ်ႈၵႂႃႇတီႈ "Edit > Transform > Flip Vertical" ယဝ်ႉၵေႃႈၸၼ်တူဝ်လိၵ်ႈလူင်းမႃးတီႈတႂ်ႈ မိူၼ်ၼႆ။
႔ႉ ၼဵၵ်းတီႈ Layer Copy ၵမ်းၼိုင်ႈ၊ ယဝ်ႉၵေႃႈမႃးၼဵၵ်းတီႈ "Add Vector Mask" ၼႆႉ။ တေလႆႈႁၼ်မႅၼ်ႈ "Layer Mask Thumbnail" ပေႃႇၶိုၼ်ႈမႃး မိူၼ်ၼႆဝႆႉ။
႕ႉ ၼဵၵ်းတီႈ "Layer Mask" (khurkham copy) ၵမ်းၼိုင်ႈ၊ ယဝ်ႉၵေႃႈၼဵၵ်းတီႈ "Gradeint Tool" မူၼ်ႉမႄး Foreground ႁႂ်ႈပဵၼ်သီလမ် လႄႈ Background ႁႂ်ႈပဵၼ်သီၶၢဝ် ။ သိုပ်ႇၼၼ်ႉၵေႃႈဢဝ် မဝ်ႉ ၼဵၵ်းတၢင်းၼိူဝ်တူဝ်လိၵ်ႈ လၢၵ်ႈလူင်းတၢင်းတႂ်ႈ၊ တေဢဝ်ငဝ်းမွၵ်ႈႁိုဝ်ၵေႃႈၶဵင်ႇဢဝ်ႁင်းၵူၺ်းၼႃႈ။
႖ႉ ပေႃးႁဝ်းၸၼ်ၶဵင်ႇငဝ်းယဝ်ႉ တေလႆႈႁၼ်ႁၢင်ႈငဝ်းမၼ်းမိူၼ်ၼႆဝႆႉ၊ သိုပ်ႇၼၼ်ႉၵေႃႈ ၼဵၵ်းသိမ်း Save ဝႆႉ၊ ၵႃႈၼႆႉၵူၺ်း ႁဝ်းၵေႃႈလႆႈႁၢင်ႈတူဝ်လိၵ်ႈဢၼ်မီးငဝ်းယဝ်ႉ။
ၶိူဝ်းၶမ်း လၢင်းၶိူဝ်း
