လၢႆးၵႄႈလိတ်ႈ လိုမ်းမၢႆလပ်ႉဢၼ်ၶတ်းသေႃးၼႃႈၽူင်း

 

   မႂ်ႇသုင်ပီႈၼွင်ႉႁဝ်းၶဝ်တၢင်းသဵင်ႈ ၶႃႈႁဝ်းၶူိဝ်းၶမ်း တေမႃးလၢတ်ႈၼႄ  လၢႆးၵႄႈလိတ်ႈ လိုမ်းမၢႆလပ်ႉဢၼ်ၶတ်းသေႃးၼႃႈၽူင်း မၢင်ပွၵ်ႈမၢင်လႂ်ၼႆ ႁဝ်းသႂ်ႇမၢႆလပ်ႉဝႆႉ ၽူိဝ်ႇမႃးၽူၺ်ႇၶုိၼ်းသမ်ႉဢမ်ႇလႆႈ ဢၼ်ၶတ်းသေႃးၼၼ်ႉတႄႉ တေမီးယူႇ ႒ မဵဝ်းၸွမ်းၵၼ် ၼိုင်ႈ သႂ်ႇပဵၼ်တူဝ်လိၵ်ႈလႄႈ႑႒႓ သွင် ၸၼ်ပဵၼ်ႁၢင်ႈ။ ၼႂ်းသွင်မဵဝ်းၼႆႉ ပေႃးႁဝ်းသႂ်ႇမၢႆလပ်ႉဝႆႉၼႆ ဢၼ်ၵႆႉၸၢင်လူင်လုိမ်းၵေႃႈမီးယူႇ ဢမ်ႇၼၼ်ပၼ်လုၵ်ႈဢွၼ်ႇလဵၼ်ႈႁုိဝ်ႉလႄႈသင် ပၼ်ဢူၺ်းၵေႃႉလဵၼ်ႈႁုိဝ်ႉလႄႈသင် ဢမ်ႇၼၼ်ၸဝ်ႈၵဝ်ႇလဵၼ်ႈ ႁင်းၵူၺ်းႁုိဝ်ႉလႄႈသင် သမ်ႉၵႂႃႇၼဵၵ်းသ်ႂႇမၢႆလပ်ႉ ၶတ်းသေႃးၼႃႈၽူင်းၸဝ်ႈၵဝ်ႇၼၼ်ႉ။ ပေႃးတေဢဝ်ၵႂႃႇၸူးတီႈလၢၼ်ႉ(သဵင်ႇ) ၽူင်း သမ်ႉယူႇၵႆဝႆႉ တင်းလူဝ်ႇၸႂ်ႉၽူင်းသေ ဝူၼ်ႉယၢပ်ႇတႄႉယဝ်ႉ။ 

          ၵမ်းၼႆႉတႄႉဢမ်ႇလူဝ်ႇယၢပ်ႇၸႂ်သင်ထႅင်ႈယဝ်ႉ လူဝ်ႇတွင်းလၢႆးႁဵတ်းမၼ်းဝႆႉၵူၺ်း။ ၽူင်းၼုိင်ႈသႅၼ်းၼႆႉ လၢႆးပိုတ်ႇၶဝ်ႈမူၼ်ႉမႄးၼၼ်ႉ ဢမ်ႇပေႃးမူိၼ်ၵၼ် ၵူၺ်းၵႃႈၶေႃႈသင်ႇတၢင်းၼႂ်းၼၼ်ႉ မူိၼ်ၵၼ်ဝႆႉ ၶႃႈႁဝ်းတေဢဝ်ၽူင်ႈမိၵ်ႈ Sumsung သေ ႁဵတ်းပူိင်တႅၵ်ႈမၼ်းၵႂႃႇၶႃႈ။ 

႑ ႉ ၼဵၵ်းတုမ်ႇ Power button+Volume up key+Home key တၢင်းသၢမ်ဢၼ်ၼႆႉမူိဝ်ႈꧦ ၵၼ် ဝႆႉမွၵ်ႈ ႑႐ ၸၵၢၼ်ႉ ဢမ်ႇၼၼ် ႑႐ ဝိၼႃးထီး (ၽူင်းမၢင်သႅၼ်းၼႆႉ တေလႆႈၼဵၵ်း Power button+Volume up ၼၼ်ႉၵူၺ်း )

 

႒ ႉ  ဝၢႆးသေႁဝ်းၼဵၵ်းသၢမ်ၸွမ်းၵၼ်ယဝ်ႉ တေလႆႈႁၼ်ႁၢင်ႈၼႃႈၽူင်းမူိၼ်ၼႆ ၸႂ်ႉတူဝ် ၶုိၼ်ႈ-လူင်း သဵင် Volume Up/Down  မႃးတီႈ Wipe Data/Factory Reset ပေႃးႁဝ်းလူိၵ်ႈယဝ်ႉ ၼဵၵ်းတီႈတုမ်ႇပိၵ်ႉၶူိင်ႈ Power button

 

႓ ႉ   ဝၢႆးသေႁဝ်းၼဵၵ်းWipe Data/Factory Reset ယဝ်ႉ။ ၶုိၼ်းလူိၵ်ႈဢဝ် Yes — delete all user data
ၼဵၵ်းတီႈတုမ်ႇပိၵ်ႉၶူိင်ႈ Power button

 

႔ ႉ  ဝၢႆးသေႁဝ်းၼဵၵ်းYes — delete all user data ယဝ်ႉ။ မၼ်းတေဢွၵ်ႇမႃးၼႃႈၼႆႉ ၶုိၼ်းလူိၵ်ႈဢဝ် Reboot System Now ၼဵၵ်းတီႈတုမ်ႇပိၵ်ႉၶူိင်ႈ Power button   ပဵၼ်ဢၼ်ယဝ်ႉတူဝ်လီငၢမ်း မၼ်းတေပိၵ်ႉၶူိင်ႈသေပုိတ်ႇၶုိၼ်းႁင်းၵူၺ်းမၼ်း။

 

ၶူိဝ်းၶမ်း  လၢင်းၶူိဝ်း