လၢႆးၶဵင်ႇၶၢဝ်းယၢမ်းပိၵ်ႉၶွမ်း (Auto Shutdown)

 

        မႂ်ႇသုင်တၢင်းသဵင်ႈ ၶႃႈႁဝ်းၶူိဝ်းၶမ်း လႆႈႁူပ်ႉထူပ်းႁၼ်မႅၼ်ႈ လၢႆးၶဵင်ႇၶၢဝ်းယၢမ်းပိၵ်ႉၶွမ်း (Auto Shutdown) ၸင်ႇလႆႈဢဝ်မႃးပုိၼ်ၽႄႈ ၽၢၵ်ႇတွၼ်ႈပီႈၼွင်ႉႁဝ်းၶဝ်တၢင်းသဵင်ႈယူႇၶႃႈ။  ၸွမ်းလူၺ်ႈၼင်ႇဢၼ် ၽူႈၵႆႉၸႂ်ႉၶွမ်း မီးၼႃႈၵၢၼ်လမ်ႇလွင်ႈ ဢၼ်လူဝ်ႇၵႂႃႇၼၼ်ႉလႄႈသင် ၵႆႉၼွၼ်းလပ်းဢမ်ႇတၼ်းပိၵ်ႉလႄႈသင် ၶဵင်ႇၶၢဝ်းယၢမ်းပၼ်တူဝ်ၸဝ်ႈၵဝ်ႇလဵၼ်ႈၶွမ်းလႄႈသင် လွင်ႈတၢင်းဢၼ်တီႈဝႃႈမႃးၸူိဝ်းၼႆႉ ယႃႇပေဝႆႉလွင်ႈၶမ်ၸႂ်သင် ၶႃႈႁဝ်းတေသပ်းလႅင်းၼႄပီႈၼွင်ႉႁဝ်းၶဝ်ယူႇၶႃႈ။  (ၸႂ်ႉလႆႈတွၼ်ႈတႃႇ Windows 7 လႄႈ XP) လူိဝ်သေၼၼ်ႉပႆႇယၢမ်ႈၸႂ်ႉတူၺ်းၼင်ႇၵဝ်ႇ ၽႂ်မီးၵေႃႈၸၢမ်းၸႂ်ႉတူၺ်း ယူဝ်ၸၢင်ႈလႆႈယူႇ။

        ႑ ႉ ၼဵၵ်းတုမ်ႇတီႈၶီးပွတ်ႇ (windows + r)  မူိဝ်ႈၵၼ်၊ တေလႆႈႁၼ်ႁၢင်ႈဢွၵ်ႇမႃးမူိၼ်ပႃႈတႂ်ႈၼႆႉ။

 

  

        ႒ ႉ  တႅမ်ႈၶေႃႈသင်ႇ shutdown -s -t xxxx  တႃႇၶဵင်ႇၶၢဝ်းယၢမ်းပိၵ်ႉၶွမ်း (xxxx ၼႆႉ ပုၼ်ႈတႃႇတေသႂ်ႇၶၢဝ်းယၢမ်းမၼ်း ပိူင်တႅၵ်ႈမၼ်း ၶႃႈႁဝ်းတေၶဵင်ႇဝႆႉၼုိင်ႈၼၢႆႇ ဢမ်ႇၼၼ် ၼုိင်ႈၸူဝ်ႈမွင်း တႃႇတေသႂ်ႇၶၢဝ်းယၢမ်းၼၼ်ႉ တေလႆႈသႂ်ႇပဵၼ် ၸၵၢၼ်ႉ မၼ်း ဢဝ် 60×60 = 3600 ၸၵၢၼ်ႉ )
သင်ဝႃႈႁဝ်းၶဵင်ႇၶၢဝ်းယၢမ်းယဝ်ႉ ၼဵၵ်း Enter  ဢမ်ႇၼၼ် ၼဵၵ်း OK တႃႉ။

      ႓ ႉ   ပေႃးႁဝ်းၼဵၵ်း Enter  ယဝ်ႉ ဢမ်ႇၼၼ် ၼဵၵ်း OK တေလႆႈႁၼ်ၽၢင်ႁၢင်ႈမၼ်းမူိၼ်ၼႆဝႆႉ။

     ႔ ႉ   သင်ဝႃႈႁဝ်းဢမ်ႇၶႂ်ႈၶဵင်ႇယဝ်ႉ ဢမ်ႇၼၼ် ၶုိၼ်ၶုိၼ်း ၼဵၵ်းသ်ႂႇ shutdown -a သုိပ်ႇၼဵၵ်း OK တႃႉ။

              ဝၢႆးသေႁဝ်းၼဵၵ်း OK ယဝ်ႉ တေလႆႈႁၼ်ၽၢင်ႁၢင်ႈမူိၼ်ၼႆယဝ်ႉ။

 

ၶေႃႈသပ်းလႅင်း      S = Shutdown            (ပိၵ်ႉ)   

                                          T = Time                    (ၶၢဝ်းယၢမ်း)

                                          XXX  =  Second         (ၸၵၢၼ်ႉ)

ၶူိဝ်းၶမ်း  လၢင်းၶူိဝ်း